Iha data 29 Maiu 2022 liu ba Papa hili ona Kardeál foun nain 21 no iha Sábadu, 27 Agustu 2022 realiza Konsistóriu hodi inaugura ou konfirma Kardeál foun na'in 20 ne’e (Bispu 18, Padre 2 no iha ida ne’ebe mak “rejigna a’an”) ona.
To’o iha ne’e, sertamente iha balun ne’ebe husu, sáida mak Konsistóriu ne’e?
Konsistóriu mak sorumutuk entre Kardeál sira (Koléjiu Kardeál). Konsistóriu bele akontese tanbá inisiativu no konvida hosi Papa rasik.
Papa baibain ne’e anunsia iha konsistóriu nian, di’ak iha ida ne’ebe baibain ou mos ida ne’ebe inkrivel, hodi konsulta ho Koléjiu Kardeál kona-ba nesesidade Igreja ou kona-ba kestaun-sira seluk be importante iha Igreja.
Konsistóriu mós sai oportunidade atu komunika ka introduz naran-sira Kardeál nian ne’ebe foin hili ona ba. No iha konsistóriu, Papa rasik ba mak sei presidi konsistóriu ne’e.
Desde uluk kedas ona iha Igreja, Kardeál foun ne’ebe hili ona, hetan simu ho ofisialmente liu-husi konsistóriu. Sira simu ona hodi tama iha Koléjiu Kardeál. Kanonika 351§2 bele sai rekonsiliasaun kiik ba ita.
Iha kanonika ida ne’e afirma ona katak “Kardeál sira foti ona hosi Papa ho dekretu ida, ne’ebe anunsia ona iha oin Kolójiu Kardeál nian; desde anunsiasaun ne’e sira kesi-ona ho obrigasaun-sira no iha direitu-sira ne’ebe estabelese ona hosi lei.”
Hafoin iha kan. 351§1 Livru Lei Kanonika, ita bele hare'e iha tipu rua konsistóriu nian, ne’e mak: Primeiru konsistóriu baibain ida ne’ebe baibain-ne’e Papa konvida no bolu ou la'e liu Kardeal sira ne’ebe iha Roma atu konsulta kona-ba problema balun ou kestaun-sira be importante iha Igreja no mós atu festeza selebrasaun bo'ot sira ou komemorasaun-sira gloriozu be espesial iha Igreja (kan. 351§2).
Ezemplu mak konsistóriu ida ne’ebe mak realiza ona iha 19 Novembru 2014 liu ba, selebradu mós atu taka Tinan Divina Mizerikórdia. Konsistóriu ida ne’ebe baibain ne’e mós kobertu iha ninia laran selebrasaun nian atu ntroduz no konfirma Kardeál foun sira.
Enquantu ida ne’ebe segundu, konsistóriu inkrivel. Iha konsistóriu ida ne’e Papa bolu mós Kardeál sira seluk ne’ebe iha liur hosi Roma. Kardeál sira hotu bolu ona ba iha Konsistóriu inkrivel nomós halo diskusaun ou diskuti kona-ba nesesidade-sira be espesial iha Igreja ou kestaun-sira ne’ebe importante liu ne’ebe tenki tau-matan ba (kan. 351§3).
Saseluk hosi tipu rua konsistóriu iha leten, konsistóriu mós iha ne’ebe ho personajem publiku no privadu. Konsistóriu ne’ebe ho personajem publiku ne’e mak sira ne’ebe la inklui iha Koléjiu Kardeál sira, konvida ona mós sira atu partisipa iha konsistóriu.
Enquantu konsistóriu ho personajem privadu ne’e mak konsistóriu ne’ebe akontese ba Papa de'it ho Kardeál sira de'it, Konsistóriu ne’ebe akontese ona iha Sábadu, 27 Agustu 2022 liu ba mak konsistóriu baibain ne’ebe ho personajem publiku. Konsistóriu publiku baibain ne’e realizadu dala ida tan hodi konfirma Kardeál foun sira, hodi uza boné, intrega kadeli no determinasaun títulu hosi Kardeál foun sira.
Iha konsistóriu baibain ne’ebe ho personajem pibliku ne’e, saseluk Kardeál sira autorizadu hodi partisipa mós preladu sira, reprezentante sosiedade sivil sira ou konvite sira seluk (351§4).
Iha viajem hosi istória barak tebes mak akontese ona katak konvite no xamada ba konsistóriu baibain ne’e loron ida molok data 29 Juñu kada tinan ho ninia ajenda ida mak atu introduz Kardeál foun sira no iha data 29 Juñu baibain ne’e iha selebrasaun intrega Páliu ba Arsebispu sira ne’ebe foin hili ba.
Maibé kona-ba tempu konsistóriu ne’e bele mós determinadu seluk hosi Papa hanesan ne’ebe mak akontese iha tinan hirak ikus ne’e.
.jpeg)
Ref: Katolikpedia.id
Tradus hosi Sam Ribeiro
Tidak ada komentar:
Posting Komentar