REFLESAUN || BÍBLIA MAK LIVRU MORIS NIAN

BÍBLIA MAK LIVRU MORIS NIAN

Bíblia de'it mak bele resposta ba ita nia pergunta sira kona-ba moris.

Ema rasik la-hatene oin-sá tenki moris ou mate.

Ita nia komportamentu ka atitudi nakonu ho karakteristiku ambisaun no interese a'an rasik.

Ita deklara kona-ba ita nia moris uluk ne'ebe ita seidauk koñese Maromak ka Liafuan no Ukunfua Na'i nian be moris ne'e.  

Livru Titu nian haktuir mai ita katak tanbá uluk mós, bainhira ita seidauk iha koñesimentu, ita moris sei iha beik nia laran hela, no fasil atu ema bosok ita. Ita lakohi rona Na'i no ita hakarak a'at sáida de'it, ita halo ona. Ita nia moris nakonu ho hanoin a'at, sai atan sala-fo'er nian, laran moras ema, no odiu malu. 

Ita nia destinu mak tristeza no lakon esperansa.

Na'i nia Liafuan lori naroman. Ukunfuan sira Maromak nian iha moris lori ita ba dame, ksolok no satisfasaun.

Karik ita hatene ona katak Bíblia mak livru ba moris ne'ebe bele resposta ba pergunta-sira ne'ebe la bele resposta hosi sée de'it, tan-sá ita sei baruk atu le'e no aprende Bíblia.

Karik ita sei laran tós hodi la aprende no la komprende lia-lós Liafuan Na'i nian signifika ita sei hala'o moris iha inutilidade.

Parese ita sei moris nafatin iha nakukun, tanbá Na'i nia Liafuan mak lori naroman ba ita nia moris. Mai ba maluk doben sira, ita loro-loron hadomi liu-tan Na'i nia Liafuan no ukunfuan-sira, tanbá Na'i nia Liafuan no Ukunfuan-sira mak sei muda ita nia dalan moris nian.

 

“Tanbá uluk, bainhira ita seidauk iha koñesimentu, ita moris sei iha beik nia laran hela, no fasil atu ema bosok ita. Ita lakohi rona Na'i no ita hakarak a'at sáida de'it, ita halo ona. Ita nia moris nakonu ho hanoin a'at sira, sai atan sala-fo'er nian, laran moras ema, no odiu malu. Maski ita nia hahalok a'at sira nune'e mós, Na'i Maromak ita nia Maksoin hatudu Nia laran di'ak no laran-luak ho domin bo'ot mai ita nafatin.” - Titu 3:3-4 (TF).

- Sam Ribeiro