DOMIN NU'UDAR PARTE HOSI MORIS

 Iha sentidu balun konaba domin. Ida mak domin agape. Domin agape ne'e iha sentidu presta atensaun no buka ida ne'ebe di'ak ba ema seluk sein intensaun.

Sasukat domin nian iha ne'e maka domin Maromak nian ne'ebe halo ita hadomi Maromak no ema seluk. Domin ne'e la'os hakarak atu interese a'an rasik, maibé iha di'ak ba ema seluk.

Domin tenki halo ho komitmemtu, basá domin ne'e komesa hosi vontade ou ita nia korajen, hafoin naksulin ba iha mentalidade hosi sentimentu ema nian tomak. Hafoin sei ekspresadu liu-hosi asaun eksterior sira ne'ebe di'ak. 

 

Mai ita fó a'an tomak ba Maromak hodi uza, sai kanal bénsaun nian liu-hosi domin. Lós duni ema hotu iha domin, basá Maromak ne'e domin. Bainhira Maromak bele hadomi ita sein fihir ita nia pekadu sira, entaun ita mós tenki bele hadomi ita nia funu-balun ka inimigu sira.

“Maun-alin doben sira, mai ba ita hadomi malu, basá domin ne'e mai hosi Maromak; no ema hotu ne'ebe hadomi, moris hosi Maromak no koiñese Maromak.” - 1 Joaun 4:7.

ORASAUN DOMIN BA DOBEN

REZA BA EMA NE'EBE MAK ITA HADOMI

(reza ba fen, ba laen, no ba kolega eh doben)

Aman Maromak ne'ebe murak domin nian, Ita Bo'ot mak domin hotu nia hun ne'ebe iha ba ema hotu nia laran.

Ha'u agradese tanbá Ita Bo'ot haraik ona domin, ba iha (temi naran), nia laran.

Ha'u agradese ba Ita Bo'ot, tanbá halo ona nia hadomi  teb-tebes ha'u, tulun ha'u atu bele kaer metin hodi hetan nia domin ho laran nakonu, no atu ami bele hala'o domin ba malu ho dame no iha unidade.

Ho haraik-a'an ha'u husu ba Ita Bo'ot Nia bénsaun ba domin ne'e atu bele hetan ksolok.

 Liu-liu, ba sira ne'ebe nia domin atu kesi metin ona, iha domin ida ne'e atu ema hotu-hotu bele sai sasin ba domin ne'ebe perfeitu; no atu ami bele rekoñese hodi sai hanesan, Jezús nia eskolante, tanbá ami bele hadomi malu teb-tebes iha Ita-Naran.

 Basá Ita Bo'ot mak roman domin perfeitu ne'ebe mak fó-a'an tomak ba mate tanbá ema hotu ne'ebe Ita hadomi.

 Ami hahi'i Ita naran Kristu Jezús ba nafatin. Amen.

  

Hakerek husi: Sam Ribeiro

KATÓLIKU KAFETARIA

 KATÓLIKU KAFETARIA

Katóliku Kafetaria? Saída mak ne'e? Doutrina foun ka? Igreja foun?

La'e, Katóliku Kafetaria la'os mak doutrina foun ka Igreja foun.

 

Katóliku Kafetaria la'os mak termu ofisial iha Igreja Katólika, basá termu ne'ebe halo hosi ema Katóliku iha Ossidente ne'ebá hodi descreve ema Katóliku sira ne'ebe desidi hodi kumpri no obedese ba doutrina sira Igreja Katólika nian ne'ebe sira gosta no lasimu doutrina sira Katóliku nian ne'ebe sira la gosta.

 

Sira gosta doutrina Katóliku ida hafoin obedese no angaria ba ema seluk. Maibé doutrina ne'ebe sira la gosta, sira la obediente no hafoin sira ignora no sertamente sira la fó sai ba ema seluk.

Kestaun ida ne'e sertamente sala. Kestaun ida ne'ebe lolós ne'e hala'o husi Martin Luther no Calvin iha sékulu da-16.

Martin Luther no Calvin, "Padre Reformador" Sira na'in rua primeiru, hadomi no obedese ba doutrina-sira Katóliku nian kona-ba Inan Maria, inklui Inan Maria Imaculada da Conceição no Inan Virjen Nafatin Maria.

Maibé, Martin Luther no Calvin rejeita no so'e doutrina Ahi Hamo'os Salan (Purgatóriu) no prioridade Papa ne'ebe hanorin ona hosi Igreja durante tinan 1500 iha sira nia tempu.

Nune'e, Martin Luther no Calvin la iha autoridade hodi determina doutrina ida ne'ebe lós no ida ne'ebe sala maibé sira enfatiza sira-nia opiniaun privadu. Luther rasik mós temin Papa nu'udar Anti-Kristu, no Igreija Katólika nu'udar Prostituta Babilónia. Ho liafuan seluk, Luther mak ema Katóliku Kafetaria ida.

Katóliku Kafetaria tempu agora la iha ninia-diferensa ho Martin Luther no Calvin, exeptu sira la husik-hela no hari'i igreja ba sira rasik ne'ebe hanaran ho sira nia naran. La oituan mós hosi sira ne'ebe kontra Papa no rejeita autoridade doutrina Igreja Katólika nian hanesan ne'ebe hakerek iha Katekismu Igreja Katólika.

Ema Katóliku ne'ebe iha vizaun liberal gosta teb-tebes doutrina Igreja nian kona-ba justisa sosial, imigrasaun, no servisu saúde nian, maibé sira odiu teb-tebes doutrina Igreja Katólika nia kona-ba kontrasepsaun artifixial, abortu no homossexualidade. Nu'u sira mesak ho nune'e sai “Papa” ba sira-án rasik, termina sáida mak lós no sáida mak sala ba sira-án rasik.

Iha sorin seluk, iha ema Katóliku ne'ebe ho vizaun ultra-tradisional hadomi doutrina Igreja nian kona-ba Selebrasaun Eukaristia, Anju sira, Liturjia maibé sira rasik mós rejeita Papa, prinsipalmente tanbá “Misa Foun” ne'e mak Misa Forma Ordináriu/Novus Ordo ne'ebe Igreja Katólika agora selebra ho nakloke. 

Sira mós rejeita Konsiliu Vatikanu II no konsidera Konsiliu ne'e la'o-sala dalan.

Sira hakarak de'it mak Misa Latina Tradisional/Tridentinum no fiar iha sira nia laran katak Misa ne'ebe oras ne'e mak la'o-sala dalan. Kona-ba kestaun ida ne'e, Igreja Katólika klarifika katak Misa Forma Ordinaria/Tridentinum/Misa Latina Tradisional ne'e igualmemte válidu no la bandu atu selebra iha Igreja Katólika ne'ebe iha mundu tomak. Sira ne'e hanaran sedevacantist, ne'e-mak ema ne'ebe fiar katak Tronu St. Pedro oras ne'e sei mamuk desde tinan 1958 bainhira Papa Pio XII mate.

Ba sira, Papa depoiz de Papa Pio XII mak papa la'o-sala dalan (ne'e-mak Papa João XXIII, Papa Paulo VI, Papa João Paulo I, Papa João Paulo II no Papa Benedito XVI).

Segundu tipu ema Katóliku hanesan ida ne'e sala. Ita nu'udar leigu la foti no hili ida-ne'ebe mak doutrina-sira Igreja Katólika nian ne'ebe ita fiar no ida-ne'ebe mak la'e. Jezús haríi ona Igreja Katólika iha tinan 33 AD, iha ne'ebe Nia fó xavi-sira Reinu Lalehan nian ba Pedro, ne'ebe hatutan xavi-sira ne'e ba papa sira mak nia-troka. Jezús hateten katak infernu mós sei laiha kbi'it atu ukun Nia-Igreja. (lé iha Mateus 16:18-19). Hateten katak papa hafoin tinan 1958 ne'e la'o-sala dalan nune'e kestaun ne'e signifika katak infernu konsege ona kontra Nia-Igreja. 

Jezús mós promete ona katak Ispíritu Santu sei orienta Nia-Igreja ba lia-lós. 

Konvenxe ba katak doutrina Igreja nian sala kona-ba halo kontrasepsaun no abortu, signifika konvenxe katak Ispíritu Santu orienta Igreja iha eru ka sala nia ukun.

Igreja Katólika la'os mak hanesan kafe iha ne'ebe ita bele hili ida ne'ebe mak ita gosta no ida ne'ebe mak la'e. Iha Igreja Katólika, ita la bele desidi ida ne'ebe mak doutrina ofisial Igreja nian ne'ebe mak lós no ida ne'ebe mak la bazeadu ba interpretasaun ita nian iha Bíblia Sagrada no Tradisaun Sagradu.

Hanesan liafuan Arsebispu Charles Chaput, OFM. Cap., Arsebispu Philadelphia: “If they don’t believe what the church teaches, they’re not really Catholic.” no hanesan liafuan St. Ignatio Loyola ne'e mak hateten katak ita tenki “hanoin hamutuk ho Igreja, sentire cum Ecclesia”, tuir hanoin Igreja nian.

Versíkulu balun iha Sagrada Eskritura nian kona-ba Obediénsia, ita-bo'ot sira bele loke SE ka Bíblia no lé iha versíkulu-sira ne'ebe mensiona iha okos ne'e mak hanesan tuir mai ne'e:

• Mateus 16:18-19 

• Mateus 28:19-20 

• Roma 1:5 

• 2Korintu 9:13 

• 2Tesalonia 2:15 

• 1João 4:6 

• 1Pedro 1:14 

• 1Pedro 1:22

===================================

Sam Ribeiro📝

sampribeiro23@gmail.com

ORASAUN MILAGROZU HOSI AMAN SANTU ANTÓNIU

 ORASAUN NOVENA BA SANTU ANTÓNIU HOSI PADUA

MILAGROZU AMAN SANTU ANTÓNIU

INTRODUSAUN:

Novena Santu Antóniu hosi Padua, ne'ebe mak koñesidu tebes ho ninia asaun milagre sira, mak santu ida hosi ordo Fransiskanu. Iha ninia moris ne'ebe badak ne'e (mate ho idade tinan 36) milagre barak tebes ne'ebe akontese tanbá ninia intersesaun. Nia ema hadomi no koñesidu nu'udar “Mahalo Milagre hosi Maromak.”

Nia koñesidu tanbá ninia obra-sira iha ema ki'ak sira lét; no bainhira nia aprende ona, nia sempre ko'alia ho liafuan-sira be simples teb-tebes maibé nakonu ho autoridade no karidade. 

INSTRUSAUN:

1. Iha Orasaun Novena ba Santu Antóniu, ita bot sira bele reza ka halo:

• Mesak 

• Ho família no 

• Ema fiar-na'in sira seluk.

2. Orasaun Novena ne'e bele halo:

•  Antes selebra loron Santu Antóniu nian.

•   Bele mós halo iha loron bai-bain sira ne'ebe ita bot sira presija tulun liu-hosi harohan da'et Santu Antóniu.

3. Loron hahú reza Orasaun Novena:

• Halo Orasaun Novena ne'e durante  loron sia (9) nia laran.

• Reza tuir oras ne'ebe ita bot rasik termina ona.

• Reza kada loron ida foti “ORASAUN LOKE” nian ezemplu iha “LORON I” nian  ho temi ita bot nia “PEDIDU” kontinua reza “ORASAUN KOLEKTA” ne'ebe prepara ona tuir mai “ORASAUN PRINSIPAL” sira hanesan: Ami Aman x1, Ave Maria x1, Gloria x3, Kredo x1 no Anju Hein Ita. “Santu Antóniu ne'ebe ema hotu hadomi ho konsideradu hosi Menino Jesus; rona-ba ami nia harohan-sira ne'e.” Ikus mak “ORASAUN TAKA” nian.

• Bele hare'e Ezemplu reza novena nian ba loron primeiru ne'ebe prepara ona.

4. Molok atu halo ka reza Orasaun Novena ne'e husu ita bot sira atu hakmatek karik senti konfortavel ona foin bele halo orasaun novena ne'e, nune'e ita bot sira bele iha vontade no konsentrasaun ba novena ne'e, hafoin ita bot sira hanoin buka sala hotu-hotu ho laran moras hodi husu perdaun ba Na'i Maromak atu fó perdua ba salan sira be ohin halo ona karik iha loron ne'e.

5. Lembra ba katak, hahú  no remata ho Sinal Krus nu'udar ita ema sarani Katóliku.

 NOVENA BA SANTU ANTÓNIU

☦Hodi Padre, Hodi Fillu, no Hodi Ispíritu Santu Sira-Naran. Amen.☦️

ORASAUN LOKE

Santu Antóniu be domin-na'in, ami respeita ita-bot nu'udar atan Maromak nian ne'ebe fiel no firme. Espera katak ami bele hetan tulun hosi ita-bot nia servisu-sira no ita-bot nia intersesaun; nune'e ami nia pedidu bele aseita hosi Maromak. Amen.

LORON I

“Rona ba ha'u lia-harohan, bainhira ha'u halerik ba Ita-bot hodi husu tulun, no foti ha'u liman ba iha Ita horik-fatin be santu” Slm 28:2

(temi ita bot nia pedidu ...)

Santu Antóniu, mahalo milagre ne'ebe mak haraik ona hosi Maromak ho abundante. Milagre barak ona mak halo hosi-Nia liu-husi ita-bot nia intersesaun  Iha ita-bot nia di'ak, mai-ba agora atu tulun ami no rona ami nia pedidu ida ne'e. Amen.

LORON II

“Keta hasubar Ita-oin mai ha'u, keta rejeita Ita-atan ida ne'e ho hirus; Ita-bot mak ha'u nia tulun, keta so'e ha'u no keta husik ha'u, oh Maromak ha'u nia salvador” Slm 27:9

(temi ita bot nia pedidu ...)

Santu Antóniu be domin-na'in, ami hakbesik ba ita-bot ho konfiansa tomak ba Maromak nia magnanimidade ne'ebe iha ba ita-bot; ne'ebe sempre prontu atu tulun sira ne'ebe presija.

Ita-bot ne'ebe iha lalehan nia glória, sai ba ami nia ajenti. Amen.

LORON III

“Ita-bot di'ak, oh Na'i, no gosta perdua, ema ne'ebe harohan nafatin ba Ita-bot, Ita-hadomi ho domin ne'ebe naresin.” Slm 86:5

 (temi ita bot nia pedidu ...)

Santu Antóniu be gloriozu, ami hato'o ami nia frakeza no ami nia pekadu-sira hasoru Ida ne'ebe onipotente. Maske ami la merese, tulun ba ami iha ami nia nesesidade ne'ebe urjenti. 

Amen.

LORON IV

“Dader-dader fó hanoin mai ha'u ba Ita-domin, basá ba-Ita mak ha'u tau fiar.. Hatudu mai ha'u dalan ne'ebe mak ha'u tenki luta, basá ba-Ita mak ha'u harohan ba.” Slm 143:8

(temi ita bot nia pedidu ...)

Santu Antóniu ne'ebe badinas fó tulun, tulun ba ami atu bele komprende no konsidera Maromak nia intensaun-sira iha ami nia moris. Sai ba ami nia patronu ne'ebe autorizadu iha ami nia nesesidade ne'e. Ami konfia ita-bot sei harohan husu Maromak nia mezerikódia tan ami ne'ebe presija. Amen.

LORON V

“Ema ne'ebe koñese Ita-naran fiar ba-Ita, basá Ita la husik hela ema ne'ebe buka Ita-bot, oh NA'I” Slm 9:10

(temi ita bot nia pedidu ...)

Santu Antóniu ne'ebe moos, tan Ita nia domin ba Kristu no Nia-Igreja, ami husu Ita tulun ba ami ne'ebe iha hela preokupasaun nia laran ne'e. Ami husu resposta. Hatudu Maromak nia autoridade iha Nia ema santu-sira ho fó tulun Nia-povu. Amen.

LORON VI

“NA'I mak ha'u nia forsa no ha'u nia helik-fatin; ba-Nia ha'u fuan tau fiar. Ha'u hetan tulun tanbá ha'u laran haksolok, no ho ha'u knananuk ha'u agradese ba-Nia” Slm 28:7

(temi ita bot nia pedidu ...)

Santo Antóniu be laran luak, entrega ita-bot ba pobreza hariku Igreja ho bénsaun barak. Ami husu ita-bot nia tulun, nune'e tanbá ita-bot nia ezemplu ne'e, fó ami grasa laran luak atu simu Maromak nia hakarak. Amen.

LORON VII

“Maske ha'u la'o iha rai-klean nakukun ha'u sei la-ta'uk buat a'at ida, tan Ita hamutuk ho ha'u; Ita nia ai-tonka no ai-tato'an, ne'e mak fó ksolok mai ha'u.” Slm 23:4

(temi ita bot nia pedidu ...)

Santu Antóniu ne'ebe di'ak, ita-bot fó ksolok ba sira, ne'ebe hanesan ami iha tristeza nia laran. Halibur hamutuk ho ami, ne'ebe banati ita-bot, hakarak fó ksolok ba sira ne'ebe iha difikuldade nia laran. Husu Maromak nia tulun mai ami. Amen. 

LORON VIII

“NA'I, Ita rona ema laran luak sira no haforsa sira fuan.” Slm 10:17

(temi ita bot nia pedidu ...)

Santu Antóniu ne'ebe hetan ona bénsaun. Ita-bot nia moris hanesan ezemplu be furak ne'ebe halo ona milagre oi-oin ba sira ne'ebe presija teb-tebes. Hosi ita horik-fatin iha lalehan, mai ba. Tulun ba ami, husu ba Maromak nia resposta ba ami nia nesesidade ne'e. Amen.

LORON IX

“Ita-bot di'ak, oh Na'i, no gosta perdua, ema ne'ebe harohan nafatin ba Ita-bot     Ita-hadomi ho domin ne'ebe naresin.” Slm 86:5

(temi ita bot nia pedidu ...)

Santu Antóniu ne'ebe fiel, ami fuan nakonu ho sentimentu agradese. Ami hatene katak ita-bot nia autoridade tanbá Maromak mak bot, no ami hatene mós katak ita-bot sei hetan hosi-Nia sáida mak ami hein. Tulun ba ami agora; ami mós husu atu ami bele serví Maromak hanesan ita-bot halo ona. Amen.

Santu Antóniu ne'ebe ema hotu hadomi ho konsideradu hosi Menino Jesus; rona-ba ami nia harohan-sira ne'e.

ORASAUN TAKA

Oh Maromak, ami husu atu ami nia onra ba Santu Antóniu sai hún ksolok nian ba Ita-Kreda. Nu'u ninia tulun halo ami forsa liu-tan iha ami nia fé. 

Nu'u mós ninia tulun halo ami bele hetan premiu ne'ebe rohan-laek. Ami husu ne'e ho Intersesaun Jezús Kristu, ami Na'i. Amen.

☦Iha Aman, iha Oan-Mane no iha Ispíritu Santu Sira-naran...Amen.☦

______________________________________________

Traduz no hakerek hosi: Sam Ribeiro

Vizita Ami Kanal Media Sosial-Sira Seluk:

https://www.facebook.com/biora.21/

https://www.instagram.com/biora.21/

https://youtube.com/channel/UC6lxMLtpCmrD74AJGGekUHw

https://chat.whatsapp.com/F0kVVVXGaPSJekdl4yKdPr (+670 74433937/+670 75637052)

______________________________________________

EZEMPLU||

ORASAUN NOVENA BA SANTU ANTÓNIU HOSI PADUA

SINAL KRUS

☦Hodi Padre, Hodi Fillu, no Hodi Ispíritu Santu Sira-Naran. Amen.☦️

ORASAUN LOKE

Santu Antóniu be domin-na'in, ami respeita ita-bot nu'udar atan Maromak nian ne'ebe fiel no firme. Espera katak ami bele hetan tulun hosi ita-bot nia servisu-sira no ita-bot nia intersesaun; nune'e ami nia pedidu bele aseita hosi Maromak. Amen.

LORON I

“Rona ba ha'u lia-harohan, bainhira ha'u halerik ba Ita-bot hodi husu tulun, no foti ha'u liman ba iha Ita horik-fatin be santu” Slm 28:2

 (temi ita bot nia pedidu ...)

Santu Antóniu, mahalo milagre be haraik ona hosi Maromak ho abundante. Milagre barak ona mak halo hosi-Nia liu-husi ita-bot nia intersesaun iha ita-bot nia di'ak, mai-ba agora atu tulun ami no rona ami nia pedidu ida ne'e. Amen.

ORASAUN KOLEKTA

Orasaun ba Santu Antóniu hosi Padua

Gloriozu Santu Antóniu! Ami fó honra ba Ita bo'ot nu’udar Na’i Maromak nia atan, ne'ebé fiel no badinas. Liu hosi Ita bo'ot nia harohan, Na’i Maromak halo ona milagre oi-oin iha povu nia le’et. Iha moris tomak, Ita laran metin ba Maromak Nia providênsia, hodi tulun ema ki’ik no ki'ak sira ho domin. Ami hakbesik ba Ita futar oin ho esperansa ne'ebé bo'ot tebes, basá, rekoñese grasa wain lalehan nian ne'ebé mak existe iha Ita bo'ot.  Ami fiar katak, Ita bo'ot sei harohan mai ami, husu tulun lalehan nian ba ami nia intensaun ida ne’e; 

(temi intensaun ruma...). 

Santu Antóniu Aman di'ak! Liu hosi ami nia orasaun ne'ebé folin laek no ami nia sakrefisiu loro-loron, ami hakarak oferese ba Aman Maromak hodi husu tulun ba ami nia intensaun ida ne’e. Santu Antóniu, ami agradese tanbá Ita hanorin ona ami atu moris iha ksolok laran, maski iha difikuldade oi-oin ne’ebé mak ami hasoru iha ami-nia moris.  Santu Antóniu, Obrigadu ba ita nia harohan. Haraik Ita-nia bensaun mai ami nafatin no ba ema sira hotu iha komunidade ne'e no mundu ida ne’e. Amen.

“Rona ba ha'u lia-harohan, bainhira ha'u halerik ba Ita-bot hodi husu tulun, no foti ha'u liman ba iha Ita horik-fatin be santu” Slm 28:2

Oh Maromak, ami husu atu ami nia onra ba Santu Antóniu sai fonte ksolok nian ba Ita Bo'ot nia Kreda. Nune'e Ni-nia tulun halo ami forsa liu tan iha ami nia fiar. Nune'e mos ni-nia harohan ne'e halo ami hetan grasa ne'ebé eternal. Ami husu ne'e ho intersesaun Jezus Kristu ami Na'i. Amen. 

ORASAUN AMI AMAN

Ami Aman, be iha lalehan, halo ami hahí-hana’i Ita naran halo Ita nia reinu to’o mai ami; Ita nia hakarak halo tuir ba iha rai nu’udar iha lalehan. Ohin ne’e haraik ai-han lor-loron nian mai ami; haraik perdaun mai ami salan, nu’udar ami perdua ema halo a'at ami; labele husik ami monu ba tentasaun; maibé hasai ami hosi a'at. Amen.

ORASAUN AVE MARIA

Ave Maria Grasa Barak Liu Iha Ita Bo'ot, Maromak Ho Ita Bo'ot, Ita Bo'ot Di'ak Liu Feto Hotu-Hotu, Ita Bo'ot Nia Oan Jesus Di'ak Liu.

Santa Maria Maromak Inan Harohan Ba Na'i Maromak, Tan Ami Ata Nia Salan, Oras Ne'e No Oras Ne'ebé Ami Ata Besik Atu Mate. Amen.

ORASAUN GLÓRIA 

Glória ba Aman, ba Oan no ba Espíritu Santu. Nu'udar hori uluk oras ne'e tinan ba tinan nafatin. x3

ORASAUN KREDO (orasaun fiar nian)

Ha’u fiar Maromak mesak ida de’it, Aman Kbi'it-tomak Na’in, Mahalo lalehan no rai, buat hotu ne'ebé bele hare'e no labele hare'e. Ha’u fiar Na’i ida de’it, Jezus Kristu, Maromak Oan-mane Mesak, moris nanis hosi Aman molok tempo hahú. Maromak hosi Maromak, Naroman hosi Naroman. Maromak lo'os, hosi Maromak lo-lo'os; Aman hako’us, la halo Nia, nia-An ida de’it ho Aman. Buat hotu halo ona hodi Nia.  Tan ita ema, atu soi ita, Nia tun ona hosi Lalehan. Hodi Espirítu Santu, Nia hola isin iha Virjen Maria nia knotak, halo nia-An ba ema. Tan mos ba ita, ema hedi Nia ba Kruz, iha Pónxiu Pilatus nia ukun; terus, mate tiha, ema hakoi Nia. Liu loron tolu, tuir Escritura, Nia hahú moris-hi’as; hi’it-An ba Lalehan, he’in-An iha Aman nia sorin kwana. Nia sei mai fali ho glória, atu tesi-lia ba ema moris no ba ema mate; nia ukun sei rohan-laek. Ha’u fiar Espirítu Santu, Na’i be haraik moris, mai hosi Aman no Oan; ema haNa’i, haliban hamutuk ho Aman no Oan: Nia ha’e lia tun liu hosi Profeta sira. Ha’u fiar Kreda ida-mesak, Santa, Katólika,Apostólika. Ha’u haklaken baptismu ida de’it atu kasu salan. Ha’u hein moris-hi’as hosi mate siran, no moris ida be sei mai. Amen.

ORASUN BA ANJU HEIN ITA

Na'i Maromak nia Anju Santu hein di-di'ak ha'u ata, ukun ha'u nafatin halo ha'u tuir diak deit tanbá Na'i Maromak rasik mak entrega ha'u, iha ita bo'ot nia liman. Amen. 

ORASAUN TAKA

 Oh Maromak, ami husu atu ami nia onra ba Santu Antóniu sai hún ksolok nian ba Ita-Kreda. Nu'u ninia tulun halo ami forsa liu-tan iha ami nia fé. 

Nu'u mós ninia tulun halo ami bele hetan premiu ne'ebe rohan-laek. Ami husu ne'e ho Intersesaun Jezús Kristu, ami Na'i. Amen.

Santu Antóniu ne'ebe ema hotu hadomi ho konsideradu hosi Menino Jesus; rona-ba ami nia harohan-sira ne'e.

Santu Antóniu, harohan mai ne'ebe husu ita-bot nia tulun.

☦Iha Aman, iha Oan-Mane no iha Ispíritu Santu Sira-naran...Amen.☦

Prepara hosi:

Samuel Paulo Ribeiro

     

ORASAUN BAINHIRA IHA SITUASAUN DIFISIL

 

NOVENA BA NA'I JEZÚS  FUTAR FUAN SANTU 

    (Novena ne'e reza iha oras ne'ebé tenke hanesan durante loron sia ou oras sia nia laran)

Hodi Padre, hodi Filho, hodi Espíritu Santu sira naran, Amen.

ORASAUN HAHÚ

Ami Aman

Ami Aman be iha lalehan, halo ami hahí-hanai Ita naran, halo Ita-nia Reinu to'o mai ami, Ita-nia hakarak halo tuir ba iha rai nu'udar iha lalehan.

Ohin ne'e haraik ai-hán lor-loron nian mai ami, haraik perdaun ba ami salan nu'udar ami perdua ema halo aat ami, la bele husik ami monu ba tentasaun, maibé hasai ami hosi aat, Amen.

Ave Maria

Ave Maria grasa barak liu iha Ita bo'ot, Maromak ho Ita bo'ot, Ita bo'ot di'ak liu feto hotu-hotu, Ita bo'ot nia Oan Jesus di'ak Liu. Santa Maria Maromak Inan harohan ba Na'i Maromak, tan ami ata nia salan, oras ne'e no oras ne'ebé ami ata besik atu mate. Amen.

Glória

Glória ba Aman, ba Oan, no ba Espíritu Santu. Nu'udar hori uluk

no oras ne'e tinan ba tinan nafatin. Amen.

ITA HAROHAN

Oh... Na'i Jezús, Ita-Boot hateten: "Husu ba, no Ha'u sei haraik ba ó, buka ba no ó sei hetan, dere odamatan ba, odamatan sei nakloke ba ó." 

Ho intersesaun Maria Ita-nia Inan Santa, ha'u bolu Ita, ha'u buka no husu ba Ita-Boot atu rona ha'u-nia pedidu ne'e .....

(temi pedidu ne'ebe ó iha)

Oh... Na'i Jezús, Ita-Boot hateten: "Saida de'it mak ó husu ba Ha'u Aman

hodi Ha'u-nia naran, Nia sei fó ba ó." 

Ha'u husu ho haraik-an no ho fiar boot hosi Aman Lalehan iha Ita-nia naran, hamutuk ho Ita-nia Inan Santa Maria, atu responde ha'u-nia pedidu ne'e.....

(temi pedidu ne'ebe ó iha)

Oh... Na'i Jezús, Ita-Boot hateten: "Lalehan no rai sei mohu, maibé Ha'u￾nia Liafuan sei la mohu." 

Hodi reza hamutuk ho Ita-nia Inan Santa Maria, ha'u fiar katak ha'u-nia pedidu sei responde hosi Ita .....

(temi pedidu ne'ebe ó iha)

Ha'u-nia Jezús, ha'u-nia klamar nia Na'i, Ita-Boot promote katak Ita-Boot nia fuan Santu sei sai tasi mizerikordia ba ema sira-ne'ebé tau laran ba Ita, Ha'u fiar duni katak Ita-Boot sei responde saida mak ha'u husu, maski ida-ne'e presiza milagre.

Ba sé mak ha'u dere sé la'ós ba Ita-Boot nia fua. Bensaun no grasa ba sira￾ne'ebé tau laran-metin ba Ita-Boot. 

Oh... Na'i Jezús, ha'u oferese ba Ita-nia fuan Santu (Moras ida-ne'e, klamar ida-ne'e, no pedidu ida-ne'e), Hateke ba no halo ba saida mak Ita-Boot nia fuan hakarak.

Oh... Na'i Jezús, ha'u konfia Ita-boot no fiar ba Ita-Boot, ha'u oferese an ba Ita-Boot.

Iha Ita-Boot laran ha'u sente hakmatek.

• Ami Aman 1x

• Ave Maria 1x

• Gória 1x

LADAIÑA BA NA'I JEZÚS FUTAR FUAN SANTU

Ladaiña ba Na'i Jezús Futar Fuan Santu nu'udar orasaun ladaiña Igreja Katolika Roma nian ida. Ladaiña ida ne'e reza atu fó onra ba Jezús Futar Fuan ne'ebe Santisíma.

Na'i sadi'a ba, ami, Na'i sadi'a ba, ami

Kristu sadi'a ba ami, Kristu sadi'a ba ami

Na'i sadi'a ba ami;  Kristu rona ba am.i

Aman Maromak iha lalehan, sadi'a ba ami.

Jezús Futar-Fuan nakonu ho grasa virtude, sadi'a ba ami.

Jezús Futar-Fuan ne'ebé merese duni atu hahi'i ba, sadi'a ba ami.

Jezús Futar-Fuan Liurai no sentru ba laran tomak, sadi'a ba ami.

Jezús Futar-Fuan fatin riku-soin hotu, sabedoria no koñesimentu, sadi'a ba ami.

Jezús Futar-Fuan fatin hela ba santu hotu-hotu nian, sadi'a ba ami.

Jezús Futar-Fuan ne'ebé konkorda ba Aman, sadi'a ba ami.

Jezús Futar-Fuan ne'ebé riku no larak luak mai ami,  sadi'a ba ami.

Jezús Futar-Fuan iha leten ne'ebé a'as, sadi'a ba ami.

Jezús Futar-Fuan ne'ebé laran luak ba ema hotu ne'ebé bolu ba-Ita Bo'ot, sadi'a ba ami.

Jezús Futar-Fuan huun ba moris no santidade, sadi'a ba ami.

Jezús Futar-Fuan sakrifísiu kasu ami salan, sadi'a ba ami.

Jezús Futar-Fuan ne'ebé ditimpa penghinaan, sadi'a ba ami.

Jezús Futar-Fuan ne'ebé obedese to'o mate, sadi'a ba ami.

Jezús Futar-Fuan ne'ebé sona borus ho dima, sadi'a ba ami.

Jezús Futar-Fuan hún ba konsolasaun hotu, sadi'a ba ami.

Jezús Futar-Fuan ba moris no moris-hi'as mai, sadi'a ba ami.

Jezús Futar-Fuan aihun dame no rekuperasaun ba ami, sadi'a ba ami.

Jezús Futar Fuan sakrifisiu ba ema sala nain, sadi'a ba ami.

Jezús Futar Fuan salvasaun ba ema ne'ebe lara-metin ba Ita Boot, sadi'a ba ami.

Jezús Futar Fuan esperansa ba ema ne'ebé mate iha Ita, sadi'a ba ami.

Jezús Futar Fuan mak favoritu ema santu, sadi'a ba ami.

Maromak Bibi-Oan be kazu mundu nia salan, hadomi ami ba, oh Na'i.

Maromak Bibi-Oan be kazu mundu nia salan, simu ba ami nia harohan, oh Na'i.

Maromak Bibi-Oan be kazu mundu nia salan, sadi'a ba ami.

Jezús ne'ebé laran luak no laran kmaus,

halo ba ami nia fuan hanesan Ita Bo'ot nia fuan.

Mai Ita Harohan

Na'i Maromak Ida be Santu no Rohan La'ek simu ba hahi'i tomak no perdaun ba pekadu hotu ne'ebé Jezus Futar Fuan oferese ba Ita Bo'ot hodi ema sala nain sira hotu nia naran. Ita Bo'ot bele perdua Ita emar nia pekadu sira, ne'ebé husu Ita nia miserikórdia ho intersesaun Jezus Kristu, ami Na'i, ne'ebé hamutuk ho Ita no Ispíritu Santu, moris no poderozu, oras ne'e no tinan ba tinan nafatin.

 Amen.

ORASAUN KOLEKTA

ORASAUN BA NA'I JEZÚS FUTAR FUAN SANTU! 

Iha Ita Bo'ot ami tau ami nia konfiansa. Basá, Ita rasik hatudu mai ami, domin ne'ebé rohan la'ek, maske ami ema sala nain. 

Ami hakarak renova iha ami nia-an, iha Ita Bo'ot nia konvite: "Hakbesik mai Ha'u, imi hotu ne'ebé kolen no terus, basá, Ha'u sei fó kma'an ba imi. Simu Ha'u nia ukun ba hodi banati tuir Ha'u, tan Ha'u laran kmaus no haraik-an, no imi nia kalamar sei hetan hakmatek." Mat, 11:28-29

Na'i Jezús, Ita Bo'ot Nia Fuan ne'ebé nu'udar ema lolós no Maromak lolós, hatudu Mistériu Aman lalehan nian mai ami, no bolu ami atu tuir dalan ne'ebé lo'os.  Haraik mai ami dame no esperansa, liu hosi Ita Nia Fuan ne'ebé sona borus iha Kruz mak Igreja no Sakramentu sira. Ami hakarak hetan forsa hosi we'e matan salvasaun ne'e. Haraik mai ami, Fuan ne'ebé di'ak atu halo belun ba ema hotu. Fuan ne'ebé fiel maske hasoru dezafius barak. Haraik mai ami Fuan ne'ebé foun, Fuan ne'ebé haraik-an hodi buka di'ak ba ema hotu. Fuan ne'ebé nakonu ho dame, atu haklaken ba mundu ne'ebé terus tan funu no justisa. Fó mai ami Fuan ne'ebé hatene perdua, wainhira ema halo kanek no halo a'at ami. Ami hakarak tebes atu aprende hosi Ita Bo'ot nia Futar Fuan Santu ne'ebé ki'ik, maibe Riku ho Domin ba ema maksalak sira hotu, Amen.

TEMI BA

Na'i Jezús nia fuan Santu, ha'u konfia Ita-Boot 10x

ORASAUN TAKA

Oh...Na'i Jezús ne'ebé di'ak, Ita-Boot hateten: "Sei ó halo Ha'u haksolok, fiar ba Ha'u. sei ó halo ha'u haksolok liután, konfia ha'u nafatin." 

Ba Ita-Boot Na'i, ha'u konfia, atu nune'e ha'u la mate ba nafatin. Amen.

+ Hodi Padre, hodi Filho, hodi Espíritu Santu sira naran, Amen.

ATU SAI KRISTAUN LOLÓS

 ATU SAI KRISTAUN LOLÓS

Tempu agora ema Kristaun barak mak aumenta sai-sai-de'it ho sira nia hanonin ne'ebe ema nian ne'e-mak sai Kristaun signifika moris hosi família Kristaun, tama igreja no hetan baptismu. Bíblia la-hateten nune'e. 

Karik hakarak sai ema Kristaun lolós ne'ebe realmente simu Na'i Jezus, ita tenki halo hanesan sáida mak hetan iha Bíblia.

Primeiru mak ita tenki konfesa ita nia pekadu sira iha Na'i Nia-oin; Segundu, ita tenki fiar katak ita nia pekadu-sira hetan ona perdaun bainhira Jezús mate iha ai-krus leten troka ona ita; Terseiru, simu lia-lós Kristu nian; Kuartu, konvida  Na'i Jezús tama no hela iha ita nia fuan, sai na'in ba ita nia moris.

Ne'e mak step by step ne'ebe ita tenki haliu atu sai ema Kristaun ida ne'ebe lolós. Atu sai ema Krsitaun lolós la-fasil, sei iha ezame barak ne'ebe ita haliu atu defende salvasaun ne'ebe ita simu ona.

Tanbá ne'e bainhira ita simu ona Jezús no halo Jezús sai na'in ba ita-nia moris, ita tenki ho totalmente obedese iha komandu hosi Na'i. Bainhira ita foti komitmentu ho integralmente moris hetan orientasaun hosi Na'i, diabu sei la hela nonok. Nia sei uza maineira oi-oin hotu atu hamonu ita, maibé karik ita atua hodi hasoru, ita sempre bele ultrpasa diabu nia meneira oi-oin sira ne'e hotu. Fiar ba katak Na'i mós sei la hela nonok hodi hare'e ita nia esforsu hodi defende ita nia fé ba-Nia. 

“Bainhira imi nia terus hotu ona, Na'i Maromak rasik sei halo imi di'ak fila-fali. Nia sei fó forsa ba imi, halo imi hamriik metin hodi aguenta nafatin. Tanbá Nia sempre hatudu Nia-laran di'ak ba ita ema no Nia rasik mak bolu ona imi atu simu Nia-kbi'it ho naroman nabilan to'o tinan ba tinan, hamutuk ho Kristu.”            - 1Pedru 5:10

SOLDADU NE'EBE DI'AK

 

SOLDADU NE'EBE DI'AK

Ema hotu hatene katak soldadu ida ne'ebe la bele tahan hasoru sofrimentu, sei la sai soldadu ne'ebe di'ak. Atu sai soldadu ne'ebe di'ak soldadu ida ne'e tenki prontu atu hasoru sofrimentu no-mós intrega ninia-moris karik buat ne'e tratadu.

Prestíjiu soldadu ida nian situadu iha ninia presisténsia. Nia la'os deit terus, maibé nia tenki ho fiel tahan-moris ultrapasa buat sira ne'e hotu. Soldadu ida ne'ebe di'ak mós tenki hala'o ninia sofrimentu hotu ho voluntáriu prontu, atu nia bele gratifika ninia komandante.

Nune'e mós ita nu'udar soldadu ba Kristu. Ita konvokadu atu gratifika ita nia Komandante Nia laran, ne'e-mak Jezús. Tanbá ne'e nu'udar soldadu ba Kristu husu ita atu la konfundi buat-sira kona-ba iha ita nia moris. Ita somente presija prontu hala'o tuir Na'i nia ordem sira no halo ne'e ho voluntáriu basá somente ho halo nune'e mak ita merese duni temin nu'udar soldadu ne'ebe di'ak, ne'ebe merese duni ba ita nia-komandante.

“Terus tuir ba nu'udar soldadu ida ne'ebe di'ak hosi Kristu Jezús” - 2Timotiu 2:3

NAROMAN MUNDU NIAN

 

NAROMAN MUNDU NIAN

Ida tan denominasaun ba ita nu'udar sidadaun Reinu Maromak nian ne'e mak naroman mundu nian. Iha Sagrada Eskritura Jezús heteten: Ha'u mak naroman mundu nian; sée mak la'o tuir Ha'u, nia sei la la'o iha nakukun laran, basá nia iha naroman moris nian. 

Nune'e Jezús rasik mak hateten katak Nia-án maka naroman mundu nian. Denominasaun ou pozisaun naroman mundu nian adjudika ba ita ema be fiar tanbá ita mak reprezenta Maromak iha mundu ida ne'e.

Tansá ita tenki sai naroman mundu nian?

Tanbá mundu oras ne'e iha hela nakukun laran (pekadu), tanbá naroman mundu nian (Jezús) mak iha ita nia moris ita tenki haklaken ba mundu. 

Iha aspetu-sira ne'ebe ita tenki halo atu ita bele sai naroman mundu nia , ne'e mak ita tenki fiar ba Naroman ne'e, ne'e-mak Jezús Kristu, ita tenki la'o tuir Naroman ne'e (Jezús Kristu) no ita tenki uza Naroman ne'e (Jezús Kristu).

Tanbá ne'e konxiente ba katak ita mak naroman mundu nian, ne'ebe tenki haroman mundu ida ne'e. Mundu iha hela nakukun laran tanbá pekadu, no ita nia funsaun nu'udar naroman mundu nian fó hatene dalan ne'ebe lolós, ne'e-mak Jezús Kristu.

Ita mós tenki konxiente nu'udar naroman mundu nian, ita tenki imita Naroman ne'e, atu ita nia moris sai sasin moris ba ema-sira ne'ebe mak iha nakukun laran (pekadu).

Tanbá ne'e mai ita nafatin fiar iha ita nia moris, atu ita merese duni temin nu'udar naroman mundu nian no ita moris atu hahí no fó glória ba Aman Maromak be iha lalehan.

“Nune'e mós, husik imi nia naroman nabilan iha ema nia oin, atu sira bele hare'e imi-nia hahalok di'ak no fó glória ba imi-nia Aman be iha Lalehan.” - Mateus 5:16

PASIÉNSIA NE'E MORUK

PASIÉNSIA NE'E MORUK

Pasiénsia ne'e moruk.

Onestu ne'e moruk. 

Leal ne'e moruk. 

Buat hotu-hotu be di'ak ne'e moruk iha ne'ebe la iha ema ida mós mak apresia. 

Maibé buat hotu be moruk ne'e Na'i sei muda sai midar. 

Ó nia pasiénsia sei fó-fuan midar. 

Ó nia onestidade fó-fuan midar. 

No ó nia lealdade mós sei fó-fuan midar. 

Sáida mak moruk ba mundu, midar tebes iha lalehan. 

Sáida mak la apresia iha mundu, sei apresia tebes iha lalehan. 

No sáida mak so'e hosi mundu, sei foti-sa'e hosi NA'I iha lalehan.

- Sam Ribeiro📝

SAI HANESAN MASIN

ATU SAI MASIN

Masin iha funsaun importante ba ai-han sira. Ai-han sei senti la sabor karik la kona hosi masin. Masin mole duni no adjudikada iha dose ne'ebe uitoan no masin mós sai la-iha forma (lakon eh nabén) bainhira kahur ona ho koziña ka hahan.

Ita mak masin mundu nian. Dalaruma laiha ema ida ne'ebe mak hare'e ita, maibé sira desfrutar mós sáida mak ita halo ona.

Fó efeitu pozitivu ba ema seluk ne'ebe lós mak la ho intensaun.

Funsaun masin la'os mak atu hatudu ninia forma iha ai-han sira, maibé hatudu nia sabor. Nune'e mós ho ita nia moris. Ita la presija hatudu-án rasik, maibé husik ba ema seluk mak hetan bénsaun ne'e hosi ita nia moris.

Bainhira ita sai “masin” ho di'ak, entaun ita konsege ona sai haraik-án no ita di'ak iha maluk sira oin no iha NA'I nia oin mós. Ita la presija hatudu-án katak ita mak'ás, basá ida ne'ebe mak NA'I hare'e la'os mak ita nia  intensidade maibé sinxeridade.

“Ó mak masin mundu nian.”  
- Mateus 5:13a

DIFERENSA ENTRE IGREJA, KATEDRAL NO BASILIKA

DIFERENSA ENTRE IGREJA, KATEDRAL NO BASILIKA

Uma adorasaun iha relijiaun Kristaun realmente la'os ko'alia kona-ba ninia edifísiu maibé ninia povu. Maske nune'e ita mós presija hatene lós pró no kontra hosi termu relijiu ne'ebe komun temi ona iha mundu kristandade, inklui mós kona-ba: Igreja, Katedral no mós Basilika.

Ema Kristaun barak mak dalaruma konfuzaun ho diferensa dezignasaun hosi uma adorasaun hanesan Igreja, Katedral no mós Basilika.  

Iha balun ne'ebe hanoin se tolu ne'e iha ninia funsaun ne'ebe hanesan mós uma adorasaun.

Maibé lolós ne'e Igreja, Katedral no Basilika iha funsaun ne'ebe diferente teb-tebes.

Sáida de'it mak distingui Igreja, Katedral no Basilika?

I. IGREJA 

Igreja Paroquia São João de Brito, Liquiçá.

Igreja Katólika maka Igreja ne'ebé hari'i hosi Jezús Kristu, ne'ebe Ninia eskolante sira sai ida de'it iha vinkulu aliansa espiritual: fiel ba Papa no-mós Bispu sira ne'ebe ida de'it ho Nia, ida iha fé no iha fiar, ida iha selebrasaun hosi adorasaun. 

Igreja konstitui mistériu, sakramentu ba salvasaun no Maromak nia Povu ne'ebe iha jornada peregrinasaun hamutuk ba moris rohan-la'ek. 

Iha sentidu fiziku ba Igreja maka konstrusaun fatin adorasaun aliansa ba sarani ne'ebe iha fé ba Kristu.

Iha sirkulu Kristaun Protestante, igreja konstitui dezignasaun ba uma adorasaun ofisial ne'ebe halo sai fatin atu halibur halo ritual relijiozu kada loron Domingu, iha interasaun no hala'o funsaun relijiozu sira seluk ne'e. Maske nune'e, forma igreja variasaun liu entre igreja ida ho igreja sira seluk.

Pur ezemplu, forma igreja Luterano ortodoxo ne'ebe típika liu sei diferente liu ho igreja Kristaun Karismátiku ne'ebe inklinadu de'it hanesan edifísiu ou sala de aula bai-bain.

Igreja Kristaun Karismátika la determina edifísiu igreja tenki hamri'ik iha rai rasik maibé iha ne'ebe de'it sira bele hari'i eh konstrui igreja, lahatene ne'e iha mall nomos iha loja sira.

II. KATEDRAL

                         Catedral de Nossa Senhora Maria                         Imaculada da Conceição, Dili.

Katedral maka edifísiu igreja ne'ebé lidera hosi bispu ida tanto imediatamente sai sentru  dioseze. Aktu ida ne'e halo katedral sai hanesan sentru administrasaun igreja ne'ebe bo'ot liu.

Katedral komun ocorre iha denominasaun Kristaun hirarkia nu'udar Igreja Katólika no Anglikanu.

Katedral foti hosi lian Latinu ne'e mak “Cathedra”, ne'ebe ninia sentidu nu'udar fatin ou autoridade no autoridade dioseze nian.

Sáida mak halo edifísiu ida hanaran katedral maka prezensa bispu nian.

Maske bo'ot nune'e mós, igreja ida sei la hanaran katedral karik laiha bispu ne'ebe  hakna'ar-án iha ninia laran.

Dezenvolvimentu katedral la barak liu igreja tanbá iha laran doutrina Katólika nian katak kada rejiaun so iha katedral ida de'it hanesan ho rejiaun autoridade dioseze nian.

Tanbá quantidade ne'ebe sufisiente limitadu, katedral ida ne'e jeralmente konstruídu ho edifísiu ne'ebe sufisiente luxu.

 

III. BASILIKA 

Basilica de Santo Pedro, Vaticano, Roma

Bazikamente Basilika la'os uma adorasaun. Maibé Basilika inisialmente maka edifísiu Romanu ne'ebe hatudu elementu arquitetura espesífiku ne'ebe funsiona ho livre ba públiku, di'ak nu'udar fatin negósiu ou mós fatin komérsiu. 

Estrutura basilika dezenvolvidu hosi ema Romanu antigu sira nu'udar aula jeral sira nian ne'ebe bo'ot teb-tebes, ne'ebe situadu iha liur ou kampu jeral.

Lo-lós ne'e, basilika maka edifísiu ida paralelograma ho luan edifísiu bo'ot liu hosi meiu ou menus hosi um terço comprimento.

Basilika hanesan modelu igreja ne'ebe primeira vez iha tempu Kristandade primeiru.

Enquanto oras ne'e, edifísiu Basilika hotu-hotu ne'ebe iha nakfahe ba nasaun tomak sai nu'udar sítiu importante tanbá hosi ne'e mak hahu'u istória aparecimento igreja sira.

Parsial bo'ot hosi Basilika ida ne'e mós hanesan anterior hosi propriedade igreja Katólika.

Tuir mai, termu basilika utiliza hodi temi igreja sira ne'ebe iha valor istóriku no ispritual ne'ebe importante. 

Jeralmente iha, igreja sira ne'e hari'i ho estilu ou modelu basilika, maibé ninia xavi kritéria mak katak igreja sira ne'e hanesan fatin-sira ne'ebe iha valor istóriku no ispiritual ne'ebe importante. 

Papa ho ofisialmente estabelese no determina igreja ida nu'udar “basilika”.

Tanbá ne'e, bainhira ema ko'alia kona-ba Basilika Santo Pedro iha Roma, grau “basilika” hatudu ba valor istóriku no ispiritual igreja ne'e rasik no onra ne'ebe ninia bénsaun hosi Papa. 

Basilika ida ne'ebe koñesidu liu iha mundu maka Santo Pedro iha Vaticano, Roma, Itália ne'ebe parsial iha ninia edifísiu bo'ot projetadu hosi artista Michel Angelo. Iha mós Basilika Dantisima Trindad iha Fátima, Portugal no Sagrada Família iha Barcelona.

Hakerek hosi: Sam Ribeiro