DIFERENSA ENTRE IGREJA, KATEDRAL NO BASILIKA

DIFERENSA ENTRE IGREJA, KATEDRAL NO BASILIKA

Uma adorasaun iha relijiaun Kristaun realmente la'os ko'alia kona-ba ninia edifísiu maibé ninia povu. Maske nune'e ita mós presija hatene lós pró no kontra hosi termu relijiu ne'ebe komun temi ona iha mundu kristandade, inklui mós kona-ba: Igreja, Katedral no mós Basilika.

Ema Kristaun barak mak dalaruma konfuzaun ho diferensa dezignasaun hosi uma adorasaun hanesan Igreja, Katedral no mós Basilika.  

Iha balun ne'ebe hanoin se tolu ne'e iha ninia funsaun ne'ebe hanesan mós uma adorasaun.

Maibé lolós ne'e Igreja, Katedral no Basilika iha funsaun ne'ebe diferente teb-tebes.

Sáida de'it mak distingui Igreja, Katedral no Basilika?

I. IGREJA 

Igreja Paroquia São João de Brito, Liquiçá.

Igreja Katólika maka Igreja ne'ebé hari'i hosi Jezús Kristu, ne'ebe Ninia eskolante sira sai ida de'it iha vinkulu aliansa espiritual: fiel ba Papa no-mós Bispu sira ne'ebe ida de'it ho Nia, ida iha fé no iha fiar, ida iha selebrasaun hosi adorasaun. 

Igreja konstitui mistériu, sakramentu ba salvasaun no Maromak nia Povu ne'ebe iha jornada peregrinasaun hamutuk ba moris rohan-la'ek. 

Iha sentidu fiziku ba Igreja maka konstrusaun fatin adorasaun aliansa ba sarani ne'ebe iha fé ba Kristu.

Iha sirkulu Kristaun Protestante, igreja konstitui dezignasaun ba uma adorasaun ofisial ne'ebe halo sai fatin atu halibur halo ritual relijiozu kada loron Domingu, iha interasaun no hala'o funsaun relijiozu sira seluk ne'e. Maske nune'e, forma igreja variasaun liu entre igreja ida ho igreja sira seluk.

Pur ezemplu, forma igreja Luterano ortodoxo ne'ebe típika liu sei diferente liu ho igreja Kristaun Karismátiku ne'ebe inklinadu de'it hanesan edifísiu ou sala de aula bai-bain.

Igreja Kristaun Karismátika la determina edifísiu igreja tenki hamri'ik iha rai rasik maibé iha ne'ebe de'it sira bele hari'i eh konstrui igreja, lahatene ne'e iha mall nomos iha loja sira.

II. KATEDRAL

                         Catedral de Nossa Senhora Maria                         Imaculada da Conceição, Dili.

Katedral maka edifísiu igreja ne'ebé lidera hosi bispu ida tanto imediatamente sai sentru  dioseze. Aktu ida ne'e halo katedral sai hanesan sentru administrasaun igreja ne'ebe bo'ot liu.

Katedral komun ocorre iha denominasaun Kristaun hirarkia nu'udar Igreja Katólika no Anglikanu.

Katedral foti hosi lian Latinu ne'e mak “Cathedra”, ne'ebe ninia sentidu nu'udar fatin ou autoridade no autoridade dioseze nian.

Sáida mak halo edifísiu ida hanaran katedral maka prezensa bispu nian.

Maske bo'ot nune'e mós, igreja ida sei la hanaran katedral karik laiha bispu ne'ebe  hakna'ar-án iha ninia laran.

Dezenvolvimentu katedral la barak liu igreja tanbá iha laran doutrina Katólika nian katak kada rejiaun so iha katedral ida de'it hanesan ho rejiaun autoridade dioseze nian.

Tanbá quantidade ne'ebe sufisiente limitadu, katedral ida ne'e jeralmente konstruídu ho edifísiu ne'ebe sufisiente luxu.

 

III. BASILIKA 

Basilica de Santo Pedro, Vaticano, Roma

Bazikamente Basilika la'os uma adorasaun. Maibé Basilika inisialmente maka edifísiu Romanu ne'ebe hatudu elementu arquitetura espesífiku ne'ebe funsiona ho livre ba públiku, di'ak nu'udar fatin negósiu ou mós fatin komérsiu. 

Estrutura basilika dezenvolvidu hosi ema Romanu antigu sira nu'udar aula jeral sira nian ne'ebe bo'ot teb-tebes, ne'ebe situadu iha liur ou kampu jeral.

Lo-lós ne'e, basilika maka edifísiu ida paralelograma ho luan edifísiu bo'ot liu hosi meiu ou menus hosi um terço comprimento.

Basilika hanesan modelu igreja ne'ebe primeira vez iha tempu Kristandade primeiru.

Enquanto oras ne'e, edifísiu Basilika hotu-hotu ne'ebe iha nakfahe ba nasaun tomak sai nu'udar sítiu importante tanbá hosi ne'e mak hahu'u istória aparecimento igreja sira.

Parsial bo'ot hosi Basilika ida ne'e mós hanesan anterior hosi propriedade igreja Katólika.

Tuir mai, termu basilika utiliza hodi temi igreja sira ne'ebe iha valor istóriku no ispritual ne'ebe importante. 

Jeralmente iha, igreja sira ne'e hari'i ho estilu ou modelu basilika, maibé ninia xavi kritéria mak katak igreja sira ne'e hanesan fatin-sira ne'ebe iha valor istóriku no ispiritual ne'ebe importante. 

Papa ho ofisialmente estabelese no determina igreja ida nu'udar “basilika”.

Tanbá ne'e, bainhira ema ko'alia kona-ba Basilika Santo Pedro iha Roma, grau “basilika” hatudu ba valor istóriku no ispiritual igreja ne'e rasik no onra ne'ebe ninia bénsaun hosi Papa. 

Basilika ida ne'ebe koñesidu liu iha mundu maka Santo Pedro iha Vaticano, Roma, Itália ne'ebe parsial iha ninia edifísiu bo'ot projetadu hosi artista Michel Angelo. Iha mós Basilika Dantisima Trindad iha Fátima, Portugal no Sagrada Família iha Barcelona.

Hakerek hosi: Sam Ribeiro