Ema hotu ne'ebé moris no bo'ot ho normal, parese iha sentimentu atu hadomi no hakarak hadomi.
Sira koko atu fornese domin iha moris loro-loron nian. Domin ne'e mós la susar atu ita hetan. Ita la presiza buka-nia to'o iha fatin-sira ne'ebé do'ok.
Domin ne'e lolós-ne'e simples tebes maibé iha sentidu ne'ebé inkrível.
Domin fou-foun, domin ne'ebé ita koñese hosi ita ki'ik, mak domin ne'ebé ita hetan iha família. Sira mak ema sira ne'ebé ho laran-mo'os hadomi ita sáida de'it mak iha, ho nakar sira hotu iha tempu sei ki'ik nian ne'ebé ita halo ona ba sira.
Hafoin liu-tiha tempu labarik nian no ita sai maduru ona, entre domin barak ne'e ita sei hetan domin lolós.
Domin ne'ebé hanesan sáida mak ne'e?
Ne'e mak domin ne'ebé sei fornese hosi ita nia parseiru moris. Nia mak sei simu ita nia falta hotu no nafatin fiel akonpaña ita iha tempu sáida de'it.
Domin ne'e sei la bele buras la-ho domin ne'ebé kuida iha fuan.
Domin ne'e la la'o mesak de'it.
Domin la egoísta, tanbá hosi ne'e domin tenke hakarak halo di'ak ba ema seluk.
Aiknanoik kareta, karik ninia roda ida menus entaun kareta ne'e sei la bele atu la'o ho di'ak.
Hanesan ne'e mak pozisaun kuidadu iha relasaun ida. Aprende ba atu komesa kuida ba ema-sira iha ita nia sorin espesialmente ba ita nia doben, hanesan Na'i Jezús ne'ebé nunka pára atu kuida nafatin ita. (SR)
“no ba imi ida-idak keta tau atensaun de'it iha interese a'an rasik, maibé iha ineterese ba ema seluk mós.” - Filipu 2:4
Tidak ada komentar:
Posting Komentar