Feriadu ne'e ba dala-uluk selebradu iha sirkúlu Igreja Oriental atu fó omenjen ba sasin fé nia sira ne'ebe mate ona tan Kristu iha sira nia esforsu halekar fé Kristaun nian.
Iha sirkúlu Igreja Oxidental nian, liu-liu iha Roma, festa ne'e hahu'u iha tinan 609 bainhira Papa Bonifasiu IV konverte ona Panteaun ne'e, ne'e-mak fatin kultu ida hosi pagaun ba maromak-sira Romanu nian, sai igreja ida.
Igreja ne'e dedikada ba Santa Maria hamutuk ho apóstulu sira. Uluk iha Roma festa ne'e jeralmente selebradu iha Domingu hafoin Pentakoste. Ho tempu ba tempu, festa ne'e sai ona popular ba santu sira, di'ak sira ne'ebe ofisialmente rekoñesidu ona hosi Igreja nomós sira ne'ebe seidauk no sira ne'ebe deskoñesidu.
Festa ne'e selebradu atu fó onra ba membru Igreja sira, ne'ebe hosi primeiru igreja-sira hanaran “kumuñaun ba santu sira” (comunhão dos santo), ne'e-mak komuñaun ba ema hotu ne'ebe tau ona fiar ba Jezús Kristu no sai purifikadu hosi Raan Bibi-Oan Maromak.
Ho espesialmente ba loron feriadu ne'e ita, komemora grupu bo'ot hosi ema ne'ebe hamriik iha tronu oin Maromak nian tanbá sira kuidadu ona sira nia fé ho di'ak to'o jogu ikus iha mundu ne'e, atu bele simu prémiu bo'ot ne'ebe iha lalehan.
Entre sira ne'ebe haksolok ne'e espesialmente aprezenta santu-santa, beatu-beata nu'udar pioneirus no matadalan mai ita. Santu-sira ne'ebe haksolok iha lalehan ne'e hamutuk ho Santa Virjen Maria, Igreja nia Inan, harohan mai ita hodi bele preservera iha luta no firme iha sofrimentu. Hamutuk ho sira, ita hein resureisaun ba isin nian.
No bainhira Kristu manifesta-a'an iha glória, ita sei sai hanesan ho Nia.
Iha momentu ne'eba mak hametin ita nia uniaun ne'ebe perfeitu ho Kristu no ho maun-alin no feton sira. Santu sira ne'e haksolok tanbá sira tuir ona Kristu. Sira nia haksolok no glória ita labele deskreve ho liafuan-sira ema nian. Relasiona ho ida ne'e, Saun Paulu hateten, “Saida mak nunka hare'e hosi matan, no nunka rona hosi tilun, no ida ne'ebe nunka mosu iha ema nia fuan; buat hotu-hotu be Maromak prepara ona ba sira ne'ebe hadomi Nia” (cf. 1Kor. 2:9).
Prémiu ne'ebe sira simu hosi Kristu mak partisipa iha Han-hamutuk hosi Matrimóniu Bibi-Oan Maromak. Sira nia mata-been hamo'os rasik ona hosi Jezús. Kona-ba ida ne'e Joãun hakerek, “Haksolok ba sira ne'ebe konvidadu iha han-hamutuk hosi matrimóniu Bibi-Oan Maromak” (cf. Apok. 19:9).
"No Nia sei hamo'os tiha sira nia mata-been hotu, no mate sei la iha tan; sei la iha tan lutu, ou tanis ka tristeza, basá buat hotu-hotu ne'ebe liu ne'e liu ona. "Tanba hosi ne'e, "Ita iha sasin barak, hanesan kalohan ne'ebe haleu ita, mai ba ita husik hela todan hotu no pekadu ne'ebe atrapalla ita, no kompete ho badinas iha kompetisaun ne'ebe nesesáriu ba ita. Mai ba ita halo ho matan ne'ebe fihir ba Jezús, ne'ebe lidera ita iha fé, no ne'ebe lori ita nia fé ne'e ba perfeisaun, ne'ebe ho ignora umillasaun badinas hasaan krus troka haksolok be prepara ona ba Nia, ne'ebe oras ne'e tuur iha sorin kuana tronu Maromak nian". (cf. Ebr. 12:1-2).
Tidak ada komentar:
Posting Komentar