 |
| SAI AHI-OAN BA ITA NIA MALUK SIRA |
Ema fiar na'in mak naroman nia oan-sira ne'ebe bolu ona atu sai ahi-oan ne'ebe haroman mundu ida ne'e. Desde uluk Maromak bolu ita la'os atu sai hanesan ho mundu ida ne'e maibé atu sai diferente, tanbá mundu mak fatin be ita hala'o moris ba iha momentu ida ne'e mak fatin ida ne'ebe nakonu ona no dominante hosi nakukun nune'e to'o ema barak mak lakon no mout.
Ema fiar-na'in ne'ebe simu ona naroman hosi Kristu mak roman mundu nian, tenki sai ahi-oan ne'ebe haleno naroman ne'e iha mundu ida ne'e. Saseluk hosi ahi-oan funsiona nu'udar haroman, funsiona hamanas isin-lolon. Tanbá barak iha problema, presaun, sofrimentu, difikuldade, ema barak lakon preokupasaun be sinxeru, lakon haksolok, lakon dame prosperu, lakon vontade moris no domin iha ema barak sai malirin. Tanbá ne'e, momentu ida ne'e mak ahi-oan ne'ebe hamanas tenki bele fó impaktu.
Nune'e ita nia prezensa nu'udar naroman ou ahi-oan iha mundu ida ne'e ita tenki bele funsiona ho di'ak, basá ema-sira barak mak iha nakukun laran no-mós malirin no presiza ita nia naroman atu leno ba sira no atu bele hamanas nafatin sira. Ida ne'e mak ita nia kna'ar, ida ne'e mak ita nia servisu uma nian no ida ne'e mak naha ne'ebe Na'i tau iha ita nia laran. Mai ita funsiona ho di'ak, basá tempu to'o mai Na'i sei husu ita nia responsabilidade.
“No ida ne'e mak ukunfuan ne'e: naroman mai ona iha mundu ida ne'e nia laran, maibé ema hakarak liu fali iha nakukun duke iha naroman, tanbá sira nia hahalok a'at.” - Joãu 3:19
Tidak ada komentar:
Posting Komentar